ഒരു ചെറിയ വീടാണ് ഞങ്ങൾക്കിഷ്ടം!! വെറും 450 സ്‌ക്വർ ഫീറ്റിൽ പണി കഴിഞ്ഞ ഒരു ചെറിയ സുന്ദര ഭവനം; കാണാം ഉൾക്കാഴ്ചകൾ!! | 450 sqft Budget Home Viral
450 sqft Budget Home Viral : വീടെന്ന ആശയത്തിലേക്ക് എത്തുമ്പോൾ ഓരോരുത്തർക്കും ഓരോരോ ആഗ്രഹങ്ങളായിരിക്കും ഉണ്ടായിരിക്കുക. ചിലർക്ക് സ്ഥിരമായി താമസിക്കാനുള്ള ഒരു വീട് എന്നതാണ് മനസ്സിലെ ആഗ്രഹമെങ്കിൽ മറ്റു ചിലർക്ക് അത്യാവശ്യങ്ങൾക്ക് ഉപയോഗിക്കാൻ മാത്രമുള്ള ഒന്നായി മാറാറുണ്ട് വീട്. അത്തരത്തിൽ ഒരു ചെറിയ വീട് വേണമെന്ന് ആഗ്രഹിച്ച് നിർമ്മിച്ച ഡോക്ടർ ഷേണായിയുടെ വീടിന്റെ വിശേഷങ്ങൾ വിശദമായി മനസ്സിലാക്കാം.
വെറും 450 സ്ക്വയർഫീറ്റിൽ രണ്ട് ബെഡ്റൂമുകളോട് കൂടിയാണ് ഈ വീട് നിർമ്മിച്ചിട്ടുള്ളത്. വീട്ടുടമയുടെയും, ഭാര്യയുടെയും ആഗ്രഹങ്ങൾ കോർത്തിണക്കി കൊണ്ട് ഡോക്ടറുടെ കൺസൾട്ടേഷൻ സ്ഥലത്തോട് ചേർന്ന് ഒരു വീട് വേണമെന്ന ആഗ്രഹമാണ് ഇത്തരത്തിലുള്ള ഒരു വീട് നിർമ്മിക്കാൻ ഇവരെ ആകർഷിച്ച ഘടകം.എലിവേഷൻ സ്റ്റൈലുകൾക്ക് ഒന്നും വലിയ പ്രാധാന്യം നൽകാതെ ഒരു ബോക്സ് മോഡലിലാണ് വീട് നിർമ്മിച്ചിട്ടുള്ളത്. മുറ്റം കടന്ന് ചെറിയ വരാന്തയിലേക്ക് എത്തുമ്പോൾ ബ്രൗൺ നിറത്തിലുള്ള ഗ്രാനൈറ്റ് ആണ് പാകിയിരിക്കുന്നത്. ഭാവിയിൽ ഒരു കാർപോർച്ച് നിർമ്മിക്കാനുള്ള ഇടവും മുറ്റത്തോട് ചേർന്ന് തന്നെ നൽകിയിട്ടുണ്ട്.
പ്രധാന വാതിൽ തുറന്ന് അകത്തേക്ക് പ്രവേശിക്കുമ്പോൾ ചെറുതാണെങ്കിലും മനോഹരമായി സജ്ജീകരിച്ചിട്ടുള്ള ഒരു സ്വീകരണ മുറി ഇവിടെ ഒരുക്കിയിട്ടുണ്ട്. ഒപ്പം ഒരു ചെറിയ വാഷ്ബേസിൻ സൗകര്യവും നൽകിയിട്ടുണ്ട് . അവിടെനിന്നും വലത്തോട്ട് പ്രവേശിക്കുമ്പോൾ രണ്ട് ബെഡ്റൂമുകളും ഇടത്തോട്ട് അടുക്കളയും എന്ന രീതിയിലാണ് നൽകിയിരിക്കുന്നത്. ചെറുതാണെങ്കിലും വാർഡ്രോബുകൾ നൽകാനുള്ള സൗകര്യമെല്ലാം ബെഡ്റൂമിൽ ഒഴിച്ചിട്ടുണ്ട്.
സ്വീകരണം മുറിയിൽ നിന്നും കുറച്ചു മുന്നോട്ടു പോയാൽ ഒരു കോറിഡോറും അതിനോട് ചേർന്ന് കോമൺ ബാത്റൂമും നൽകിയിരിക്കുന്നു. വീടിന്റെ ഉൾഭാഗത്ത് ഫ്ലോറിങ്ങിനായി വിട്രിഫൈഡ് ടൈലുകളാണ് ഉപയോഗിച്ചിരിക്കുന്നത്.ഇളം പച്ചിനിറത്തിലുള്ള വാൾ പെയിന്റുകൾ ബെഡ്റൂമിന് നൽകിയതും വിശാലത തോന്നിപ്പിക്കനായി സഹായിക്കുന്നുണ്ട്. ഈയൊരു കുഞ്ഞൻ വീടിന്റെ വിശേഷങ്ങൾ വിശദമായി മനസ്സിലാക്കാൻ വീഡിയോ കാണാവുന്നതാണ്. video credit : PADINJATTINI
