ചിലവ് കുറഞ്ഞ ഒരു കുഞ്ഞൻ വീട്!! വെറും രണ്ട് സെന്റ് സ്ഥലത്ത് കീശ കാലിയാവാതെ പണി കഴിഞ്ഞ വീട് കാണാം!! | 500 sqft Budget Home Built In 2 Cent
500 sqft Budget Home Built In 2 Cent : വീടുവയ്ക്കുമ്പോൾ പലപ്പോഴും വില്ലനായി മാറുന്നത് സ്ഥല പരിമിതിയാണ്. വീടുവയ്ക്കാനായി സ്വന്തമായി സ്ഥലമില്ലാത്ത ഒരാൾക്ക് അതിനും കൂടി പണം കണ്ടെത്തേണ്ടി വരുമ്പോഴാണ് വീടെന്ന സ്വപ്നം ഒരു ഇരട്ടി ചിലവായി മാറുന്നത്. എന്നാൽ വെറും രണ്ട് സെന്റ് സ്ഥലത്തും ആഗ്രഹിച്ച കാര്യങ്ങളെല്ലാം ഉൾപ്പെടുത്തിക്കൊണ്ട് മനോഹരമായി ഒരു വീട് എങ്ങിനെ നിർമ്മിക്കാൻ സാധിക്കുമെന്ന് അറിയാനായി തുടർന്ന് വായിക്കാം.
രണ്ട് സെന്റ് സ്ഥലത്ത് 500 സ്ക്വയർ ഫീറ്റിൽ നിർമ്മിച്ച ഈയൊരു വീടിന് രണ്ട് ബെഡ്റൂമുകൾ,ഹാൾ,അടുക്കള, ബാത്റൂം എന്നീ സൗകര്യങ്ങളാണ് നൽകിയിട്ടുള്ളത്. വീട്ടിലേക്ക് പ്രവേശിക്കുമ്പോൾ ഒരു ചെറിയ വരാന്തയ്ക്ക് ഇടം കണ്ടെത്തിയിരിക്കുന്നു. ഇവിടെ ഫ്ലോറിങ്ങിൽ ലൈറ്റ് ഗ്രേ നിറത്തിലുള്ള വിട്രിഫൈഡ് ടൈലുകളാണ് ഉപയോഗിച്ചിരിക്കുന്നത്. ഇതേ പാറ്റേണിൽ തന്നെയാണ് വീടിന്റെ ഉൾവശത്തും,ഫ്ളോറിങ് ചെയ്തിട്ടുള്ളത്. അതിനാൽ തന്നെ ഫ്ളോറിങ്ങിൽ നല്ല രീതിയിൽ ചിലവ് ചുരുക്കാനായി വീട്ടുകാർക്ക് സാധിച്ചു.
പ്രധാന വാതിൽ തുറന്ന് അകത്തേക്ക് പ്രവേശിക്കുമ്പോൾ ഒരു ചെറിയ സ്വീകരണമുറി നൽകിയിരിക്കുന്നു. ഇവിടെ ഒരു ചെറിയ ഷോക്കേസും പണിതിട്ടുണ്ട്. പ്രധാനമായും ലാവണ്ടർ നിറത്തിലുള്ള വാൾ പെയിന്റാണ് വീടിനകത്ത് ഉപയോഗിച്ചിട്ടുള്ളത്. ലിവിങ് ഏരിയയോട് ചേർന്ന് തന്നെയാണ് രണ്ടു ബെഡ്റൂമുകൾക്കും ഇടം കണ്ടെത്തിയിരിക്കുന്നത്. അത്യാവശ്യം വലിപ്പത്തിൽ ഒരു കട്ടിൽ ഇടാനുള്ള സ്പേസും ഷോക്കേസിനുള്ള സ്പേസും രണ്ടു ബെഡ്റൂമുകളിലും കൃത്യമായി നൽകിയിട്ടുണ്ട്. ഇതിൽ ഒരു ബെഡ്റൂമിൽ അറ്റാച്ച്ഡ് ബാത്റൂം സൗകര്യവും നൽകിയിരിക്കുന്നു.
ലിവിങ് ഏരിയയിൽ നിന്നും നേരെ മുൻപോട്ട് നടക്കുമ്പോൾ എത്തിച്ചേരുന്നത് വീടിന്റെ അടുക്കളയിലേക്കാണ്. ചെറുതാണെങ്കിലും എല്ലാവിധ സൗകര്യങ്ങളും നൽകിക്കൊണ്ട് തന്നെയാണ് അടുക്കള സജ്ജീകരിച്ചിട്ടുള്ളത്. ഉപയോഗിക്കാത്ത പാത്രങ്ങളും സാധനങ്ങളുമെല്ലാം സൂക്ഷിക്കാനായി അപ്പർ റാക്ക് നൽകിയിരിക്കുന്നു. കൂടാതെ ഗ്യാസ് അടുപ്പിനും,വിറകടുപ്പിനും പ്രത്യേകം ഇടം നൽകിക്കൊണ്ട് തിട്ട് സജ്ജീകരിച്ചു നൽകിയിട്ടുണ്ട്. ഇവിടെ പാത്രങ്ങളും വിറകും സൂക്ഷിക്കുന്നതിനുള്ള പ്രത്യേക റാക്കുകളും നൽകിയിട്ടുണ്ട്. അടുക്കളയിൽ നിന്നും പുറത്തേക്ക് പ്രവേശിക്കുമ്പോൾ മുറ്റത്തിന്റെ മറുഭാഗത്തേക്കാണ് എത്തിച്ചേരുക. ഇത്തരത്തിൽ എല്ലാവിധ സൗകര്യങ്ങളും നൽകിക്കൊണ്ടുതന്നെ ബഡ്ജറ്റിൽ ഒതുക്കി നിർമ്മിച്ച ഒരു മനോഹര വീടിന്റെ കാഴ്ചകളാണ് ഇവിടെ വിവരിച്ചിരിക്കുന്നത്. വെറും ആറ് ലക്ഷം രൂപ മാത്രമാണ് ഈ വീടിന്റെ നിർമ്മാണ ചിലവ്.കൂടുതൽ കണ്ട് മനസ്സിലാക്കാനായി വീഡിയോ കാണാവുന്നതാണ്. video credit : Mehzin Home Garden
